Бульба Иван Федорович

Бульба Иван Федорович

График. 1936-жылдын 18-майында Северо-Казахстан облусунун Совет районундагы Стрепетовка айылында төрөлгөн. 1957-жылы Фрунзе көркөм өнөр окуу жайын, 1968-жылы Москва полиграфия институтун аяктаган.

Китеп жана станок графикасында линогравюра, сүрөт, акварель техникаларында иштейт. Республикадагы басма ишин өнүктүрүүгө салым кошкон, башында «Кыргызстан» басмаканасында улук көркөм редактор (1966-1973) болуп, кийинчерээк ошол эле басмакананын көркөм жасалгалоо бөлүмүнүн башчысы (1973-1980) болуп иштеген. Кыргыз жазуучулары жана акындарынын чыгармаларын негизинен иллюстрациялаган.

1976-жылдан бери СССР сүрөтчүлөр союзунун мүчөсү.

Станок графикасында натурадан, негизинен, пейзаж жанрында иштейт. Кыргыз ССР Жогорку Кеңешинин Ардак Грамоталары, СССР Мамлекеттик басма комитетинин Ардак Грамотасы, СССР ВДНХсынын эки күмүш медалы менен сыйланган.

Республика жана союздук көргөзмөлөрдүн катышуучусу.

Негизги иштер

Китеп графикасы
«Социалисттик Эмгектин Баатырлары» серинин көркөм жасалгасы. Ф.: «Кыргызстан». 1966.
«Суровый путь» китебине иллюстрациялар А-Джакыпбековдун. Ф.: «Мектеп». 1967.
«Клубящиеся облюка» поэзия жыйнагы С. Джусуевдин иллюстрациялары. 1969.
«Адамдарга кайрылуу» китебинин көркөм жасалгасы А.Бердибаевдин. 1972.
«Подарок» китебине иллюстрациялар А.Токомбаевдин. Ф.: «Кыргызстан». 1974.
«Поединок» китебине иллюстрациялар А.Куприндин. Ф.: «Кыргызстан». 1975.
Л.Бреякневдин трилогиясынын («Малая земля», «Возрождение», «Целина») көркөм жасалгасы. Ф.: «Кыргызстан». 1979.
Станок графикасы
Мостик. 1960. Автолитография. 30x20.
Кечки тополдор. 1960. Кагаз, акварель. 13x20.
Рига көчөсү. 1967. Кагаз, акварель. 46x57.
Кызыл тоолор. 1967. Кагаз, акварель. 36x55.
Базарда. 1968. Кагаз, акварель. 44x56.
Токто. 1968. Кагаз, акварель. 35x46.
Тоолор. 1968. Кагаз, акварель. 46x50.
Ала-Арча жазы. 1977. Кагаз, карандаш. 75x55.
Жол. 1977. Кагаз, карандаш. 42x56.