Жамгерчинов Бегималы (1914-1982)

Жамгерчинов Бегималы (1914-1982), тарых илимдеринин доктору (1950), профессор (1951), КР Илимдер академиясынын академиги (1964), илим жана техника тармагында КР мамлекеттик сыйлыгынын лауреаты (1970).

Кыргыз. Кызыл-Аскер районунун Кунту айылында төрөлгөн. Киргоспединститутту (1936) жана ошол жерде аспирантураны (1942) аяктаган.

КГУнун ректору, кафедранын башчысы, улук илимий кызматкер, КР Илимдер академиясынын вице-президенти жана КР Илимдер академиясынын ИИсинде революцияга чейинки тарых бөлүмүнүн башчысы болуп иштеген. Кыргызстандын тарыхы, кыргыз жана орус элдеринин байланыштары, Кыргызстандын саясий тарыхы боюнча адис.

Ленин ордени, Ардак белгиси (3), СССР медалдары менен сыйланган. 100дөн ашык илимий эмгектери жарыяланган.

Негизги эмгектери:

1. Кыргызстандын Россияга ыктыярдуу кириши. Фрунзе, 1963.
2. Кыргызстандын Россияга ыктыярдуу киришинин прогрессивдүү мааниси тууралуу. Фрунзе, 1963.
3. XIX кылымдагы Кыргызстандын саясий тарыхы боюнча очерктер. Фрунзе, 1966.
4. Кыргызстандын тарыхы. Мектептер үчүн окуу куралы. Фрунзе, 1965.
5. XIX кылымдагы Кыргызстандын саясий тарыхы боюнча очерк (биринчи жарым). Фрунзе, 1966.