Долженко Виталий Николаевич

Долженко Виталий Николаевич (1935),

геология-минералогия илигинин доктору (1988), профессор (1995)

Орус. Алтай крайы, Белоглазов районундагы Самсоново айылында туулган.

Семипалатинск геология-изилдөө техникумун (1955), Бүткүл Союздук Заочный политехникалык институтун (1962), ИГ АН Кыргыз ССР аспирантурасын (1968) аяктаган.

Коллектор, стажер коллектор, техник-геолог, стажер техник-геолог, Кыргыз ССР геология башкармалыгынын геологу, лаборант, инженер, кичи, улук илимий кызматкер, ИГ АН Кыргыз ССР, проблемалык лабораториянын баалуу металлдар бөлүмүнүн жетекчиси, 1993-жылдан тарта кафедранын жетекчиси, профессор КГ-МИ.

Геология, геохимия тармагында адис. СССР медалы менен сыйланган.

110дан ашык илимий эмгектери жарыяланган, анын ичинде 1 монография, 2 окуу куралы.

Анын жетекчилиги астында 2 кандидаттык диссертация корголгон.

Негизги эмгектери:

1. Тянь-Шандын домезозойдук катмарларындагы алтын кендеринин типтери. Фрунзе, 1990.
2. Тянь-Шандын геологиясы жана пайдалы казындылары. Окуу куралы. Бишкек, 1994.
3. Формалык анализ - кен жайгашуусун болжолдоонун негизги негиздери. Окуу куралы. Бишкек, 1994.
4. Кыргыз Республикасынын алтын потенциалы (англис тилинде). Ж. «Майнинг ньюс уолд», 1994.