Большаков Михаил Николаевич (1907-1992), техникалык илимдердин доктору (1952), Кыргыз ССРинин илимдер академиясынын корреспондент-мүчөсү (1954).
Орус. РФнын Калуга шаарында төрөлгөн. Ленинград политехникалык институтун (1931) аяктаган.
Чүйдүн чоң каналы (БЧК) боюнча долбоорлоо тобунун жетекчиси, Кыргыз ССРинин энергетика жана суу чарба боюнча илимий изилдөө институтунун директору, мелиорация системаларын комплексдүү автоматташтыруу боюнча ВНИИнин бөлүм башчысы, улук илимий кызматкер болуп иштеген. Гидрология жана гидротехника тармагында адис.
Улуу Ата Мекендик согуштун I жана II даражадагы ордендери, Кызыл Жылдыз, СССРдин медалдары менен сыйланган. Кыргыз ССРинин эмгек сиңирген илимпозу. 60тан ашык илимий эмгектери, анын ичинде 3 монографиясы жарык көргөн.
Негизги эмгектери:
1. Кыргыз ССРинин суу-энергетикалык ресурстары (авторлук). Фрунзе, 1960.
2. Советтик Тянь-Шандын дарыяларынын суу ресурстары жана алардын эсептөө ыкмалары. Фрунзе, 1972.
3. Түндүк Тянь-Шандын тоо дарыялары бассейндеринин суу балансынын калыптаныш мыйзамдылыктары. IV гидрогеологиялык съезддин материалдары. Т.2. Ленинград, Гидрометеоиздат, 1970.
