Бул иш-чара айыл чарба жана ага байланыштуу секторлор үчүн санариптик инновацияларды түзүүгө багытталган. Хакатонго программисттер, IT адистери, техникалык окуу жайларынын студенттери, ошондой эле агроөнөржай комплексинин жана фермердик чарбалардын өкүлдөрү катышууда.
Иш-чаранын катышуучулары командалары санариптик кызматтардын прототиптерин, программалык инструменттерди, маалыматтарды талдоо системаларын, ресурстарды мониторингдөө жана башкаруу системаларын, ошондой эле агроөнөржайда натыйжалуулукту жогорулатууга багытталган технологияларды иштеп чыгуу менен алектенишет.
Министрлик белгилегендей, тармактын өндүрүмдүүлүгүн жогорулатууга, процесстерди оптималдаштырууга жана агросекторду санариптик трансформациялоого көмөктөшүүчү долбоорлорго басым жасалууда.
Жалпы сыйлык фонду 200 миң сомду түзөт, ал үч команданын ортосунда бөлүштүрүлөт, алар сыйлык орундарды ээлешет.
