Уюштуруучулардын маалыматы боюнча, бул долбоор дүйнөнүн төрт бурчунан таланттуу жаштарды бириктирет, 60тан ашык өлкөнү камтыйт. Көргөзмөлөр белгилүү искусство аянттарында, анын ичинде Париждеги Лувр жана Лондондагы White Cube галереясында өттү. Долбоордун алкагында 300дөн ашык искусство чыгармалары көрсөтүлдү.
Кыргызстанды эл аралык көргөзмөдө К.Табалдинов атындагы Кара-Жыгач мектебинин окуучулары көрсөттү. Алардын катышуусунун натыйжасында мектеп окуучулары сертификаттар жана сунуш каттар алышты, бул аларга дүйнө жүзүндөгү көркөм университеттерге кабыл алууда жардам берет.
Көргөзмөдө өз иштерин көрсөтүштү:
- Самат Шигабиев, 11-класс — "Cranes and the childhood that slips away" аттуу картина;
- Алия Шигабиева, 9-класс — "Ocean Victim" аттуу иш;
- Алина Шигабиева, 9-класс — "The Last Clean Breath" аттуу картина.
