Талдоосунда авторлор бир нече өлкөлөрдө бир гана булактан каржылоону алуу боюнча чектөөлөр бар экенин белгилешет, бул мамлекеттик карыздын жана финансылык системанын туруктуулугун сактоого жардам берет.
Темир жол куруу сыяктуу инфраструктуралык долбоорлор бүтүндөй өлкөнүн экономикасынын көлөмүнө барабар каражаттарды талап кылышы мүмкүн.
«Мисалы, Кыргызстанда Кытай менен Өзбекстандын ортосундагы темир жолдун бөлүгүн куруунун баасы $4,7 млрд түзөт, бул Кыргыз Республикасынын 2023-жылдагы жалпы ички продуктунун үчтөн бирине барабар», - деп белгилешет адистер.
ЕАБР көп тараптуу өнүктүрүү банктары менен кызматташуу мындай ири долбоорлорду каржылоонун эффективдүү жолу болушу мүмкүн деп эсептейт.
Маалымат үчүн:
Кытай—Кыргызстан—Өзбекстан темир жолун куруу үчүн каржылоону камсыз кылуу боюнча кредиттик келишим «Кытай—Кыргызстан—Өзбекстан темир жолу компаниясы» (Биргелешкен долбоордук компания) менен Кытайдын банктар синдикатынын ортосунда кол коюлган, ага Кытайдын мамлекеттик өнүктүрүү банкы жана Эксимбанк кирет.
Долбоордун жалпы баасы $4,7 млрд. деп бааланууда. Бул сумма ичинен $2,3 млрд Кытай тарабынан 35 жылдык кредит катары Биргелешкен долбоордук компанияга берилет, ал үч мамлекет тарабынан түзүлгөн.
Бул кредитти төлөө түздөн-түз Биргелешкен долбоордук компания тарабынан жүргүзүлөт. Калган $2,3 млрд үч мамлекет тарабынан бул компаниянын уставдык капиталына төмөнкү пайыздык катышта салынат: Кытай – 51%, Кыргызстан жана Өзбекстан – ар бири 24,5%.
