«Беш-Таш» мамлекеттик табигый паркында жабайы жаныбарлар коргоо зонасында орнотулган фото капкындар аркылуу катталган. Бул тууралуу Кыргыз Республикасынын Табигый ресурстар, экология жана техникалык көзөмөл министрлиги маалымдады.
Маалыматта белгиленгендей, мындай демилге аталган табигый парктын биологиялык ар түрдүүлүгүн сактоого жана жаныбарлардын популяциясын байкоого багытталган. Фото капкындар аркылуу алынган материалдар келечектеги экологиялык саясатты жана жабайы жаратылышты коргоо боюнча чараларды иштеп чыгуу үчүн негиз болот.
Маалымат үчүн:
Беш-Таш мамлекеттик табигый паркы 1996-жылы Түндүк-Чыгыш Кыргызстандагы табигый комплексти жана биологиялык ар түрдүүлүктү сактоо максатында негизделген. Парк Талас өрөөнүндө, Талас Ала-Тоонун түндүк капталдарында жайгашып, 13731,5 гектар аянтты камтыйт.
Келечекте парк экологиялык эс алуу үчүн жай катары колдонулуп, жергиликтүү тургундарды жана чет өлкөдөн келген туристтерди тартуу пландалууда.
