Ведомстводо билдиришкендей, мындай ийгилик балык уулоого билеттерди онлайн сатуу аркылуу мүмкүн болду.
Маанилүү жагдай - 2025-жылы Ысык-Көл көлүнүн акваториясында жана өлкөнүн дарыяларында мыйзамсыз балык уулоого каршы активдүү рейддер өткөрүлдү. Эгер балыкчынын балык уулоого билети жок болсо, анын аракеттери мыйзам бузуу катары эсептелет, бул үчүн 1000 сом өлчөмүндө айып пул каралган.
Суу жаратылышында балык уулоонун баасы, ошондой эле балык уулоого билеттердин түрлөрү жана баалары тууралуу маалыматты бул жерден билүүгө болот.
2025-жылга балык чарба комплекси департаменти балык чарбалык мааниси бар суу объектилеринде спорттук-любительдик балык уулоого чектөөлөрдү бекитти. Бул чектөөлөр ихтиология жана гидробиология лабораториясы менен макулдашылды, ошондой эле коомдук бирикмелер жана жоопкерчилиги чектелген коомдор менен келишимдер түзүлдү.
Балык уулоону сүйгөндөр эми билеттерди оңой эле сатып алып, онлайн форматта төлөй алышат. «Бул системанын киргизилиши билеттерди алуу процессин кыйла жеңилдетти, кызматты бардык региондордогу жарандар үчүн жеткиликтүү кылып, кагаз документтерди колдонууну азайтууга жардам берди», - деп айтылат ведомствонун билдирүүсүндө.
Министрлик айыл чарбасын өнүктүрүүнү улантууну жана балык уулоого коюлган чектөөлөрдүн сакталуусун көзөмөлдөөнү пландаштырууда.
