Зыярат учурунда министр учурдагы курулуш иштеринен кабардар болду. Учурда реабилитациялык борбордун административдик имаратында казуу иштеринин аякташы жана фундаменттин куюлушу аяктаган, ал эми корукта фундаменттин куюлушунан кийин дубалдардын курулушу уланууда. Бул долбоордун алкагында «Ак-Илбирс» биологиялык ар түрдүүлүктү сактоо боюнча илимий борбор түзүлөт.
Ведомствонун маалыматына ылайык, курулуш корук кызматкерлеринин эмгек шарттарын жакшыртууга, илимий изилдөөлөрдү жүргүзүүгө, табигый мурастарды коргоого жана сейрек жана жок болуп бараткан жаныбарлардын түрлөрүн калыбына келтирүүгө жардам берет. Жаңы комплекс региондун уникалдуу табийгаттын сакталуусуна, экотуризмдин өнүгүшүнө жана табигатты коргоо ишмердүүлүгүн бекемдөөгө көмөктөшөт.
