Табият ресурстары, экология жана техникалык көзөмөл министрлигинен алынган маалыматка ылайык, бул улуттук демилгени ишке ашыруу алкагында болжол менен 8,2 миллион көчөт отургузулган. Алардын негизги бөлүгү жапайы жана жалбырактуу дарактардан турат, бул болсо орман массивдерин калыбына келтирүүгө, экологиялык абалды жакшыртууга жана өлкөдөгү жашыл насаждаларды көбөйтүүгө багытталган.
«Жашыл Мурас» программасы президент Садыр Жапаровдун демилгеси менен башталган, анын максаты Кыргызстандагы орман аянттарын кеңейтүү жана экосистеманын туруктуулугун жогорулатуу болуп саналат.
