Жыйында 2025-жылга карата Табигый ресурстар, экология жана техникалык көзөмөл министрлигинин ишмердүүлүгү талкууланды. Раимкулова президенттин 27-марттагы 105-номерлүү жарлыгына ылайык, экологиялык коопсуздук Концепциясынын бекитилгенин белгиледи. Ошондой эле 3-июлда Министрлер Кабинети углероддук нейтралдуулук Концепциясы боюнча 397-номерлүү токтомду кабыл алды. Бул демилгелердин алкагында климаттык өзгөрүүлөргө адаптациялоо боюнча Улуттук план долбоору иштелип чыкты. Мындан тышкары, 12-августта экология, климат жана жашыл экономика маселелери боюнча Координациялык кеңешти түзгөн 487-номерлүү токтом кабыл алынды.
Орун басар министр 19-сентябрда өткөн кеңештин жыйынында үчүнчү улуттук аныкталган салым жана улуттук инвентаризация документтери бекитилгенин, алар кийинчерээк БУУнун климаттын өзгөрүшү боюнча Рамочная конвенциясынын секретариатына жөнөтүлгөнүн билдирди.
Раимкулова Кыргызстан 14 эл аралык экологиялык конвенциянын катышуучусу экенин жана Россия, Өзбекстан, Тажикстан, Корея, Япония, Кытай жана Улуу Британия сыяктуу ар кандай өлкөлөр менен 8 келишимге кол койгонун баса белгиледи. Учурда өлкөдө абанын сапатын жакшыртуу, биологиялык ар түрдүүлүктү сактоо жана радиациялык коопсуздукту камсыздоо боюнча 7 эл аралык экологиялык долбоор ишке ашырылып жатканын кошумчалады.
