Комитет 2025-жыл үчүн Табигый ресурстар, экология жана техникалык көзөмөл министрлигинин иши тууралуу маалымат угуп жатат.
Раимкулованын айтымында, долбоордун алкагында Кыргызгидромет үчүн жабдуулар сатып алынды.
Ал ошондой эле абанын булганышын талдоо үчүн заманбап лаборатория жана маалымат борборун куруу боюнча долбоордук-сметалык документацияны даярдоо үчүн тендер өткөрүлүп жатканын билдирди. Учурда тиешелүү келишимди түзүү процессинде.
Аба сапатын оперативдүү көзөмөлдөө үчүн эки мобилдик лаборатория сатып алуу боюнча келишим да түзүлгөн, деп маалымдады орун басар министр.
Раимкулова 11 автоматтык аба мониторинг станцияларын орнотуу үчүн техникалык документация даярдалганын кошумчалады. Алар Бишкек, Ош, Кара-Балта, Токмок жана Чолпон-Ата шаарларында жайгаштырылат. Документтер Дүйнөлүк банк менен макулдашууда.
