Алардын маалыматына ылайык, жакын арада криптобиржа өлкөдөгү биринчи болуп KGST улуттук стейблкоинди өз рыногунда сунуштайт.
«Бул кадам Кыргыз Республикасынын президентинин санариптик экономикасын өнүктүрүү жана улуттук виртуалдык активдерди киргизүү боюнча демилгесинин улантылышы болуп саналат. Кыргыз сомуна байланган KGST стейблкоини бул жаңы финансылык системанын негизги компоненти болот», — деп айтылат расмий билдирүүдө.
KGST — бул коомдук жана коопсуз стейблкоин, толугу менен улуттук валюта — сом менен 1:1 катышта камсыздалган.
KGSTдин резервдик каражаттары Кыргызстандын мамлекеттик банктарында сакталат, бул активдин ишенимдүүлүгүн кепилдейт.
Токендин түзүлүшү жана ишке киргизилиши BNB Smart Chain (BSC) блокчейнде жүргүзүлөт. Смарт-контракт көз карандысыз коопсуздук текшерүүсүнөн өткөн, ал эми Whitepaper эксперттик баалоого алынган.
Токендин инфраструктурасы KYC/AML эл аралык стандарттарына ылайык көп деңгээлдүү аутентификация жана верификацияны камтыйт.
Жергиликтүү рынокто, анын ичинде XRubyда ийгиликтүү ишке киргизилгенден кийин KGST бир нече эл аралык соода платформаларында, мисалы, Binance жана CoinBaseда сунушталат деп пландалууда.
XRuby платформасында соода жүргүзүүнүн расмий башталышы жакын арада күтүлүүдө. Улуттук стейблкоиндин биринчи кардарлары болууну каалагандарга XRuby биржасында катталуу сунушталат.
