Ачылыш аземинде Кыргыз Республикасынын президентинин алдындагы Инвестициялар боюнча улуттук агенттиктин директору Равшанбек Сабиров заводдун заманбап жабдуулары жана квалификациялуу персоналы менен ишке кириши өлкөнүн өнөр жай потенциалын күчөтүүгө жана анын регионалдык деңгээлдеги атаандаштыкка жөндөмдүүлүгүн жогорулатууга көмөктөшөрүн белгиледи.
Өндүрүш комплекси 3 962 чарчы метр аянтка ээ, толук бүткөрүлгөн жана Түркияда өндүрүлгөн атайын жабдуулар менен камсыздалган. Жаңы ишкананын долбоордук кубаттуулугу айына 100 000 чарчы метрден ашык даяр продукцияны түзөт.
Алгачкы этапта төрт түрдөгү килем продукциясын өндүрүү башталды, бул продукция Борбордук Азия жана Евразия экономикалык биримдигинин рынокторуна багытталган. Ишкананын ачылышы менен 30 жаңы жумуш оруну түзүлдү.
