Экономика министрлиги кыргызстандык ишкерлерди мындай демилгелерге активдүү катышууга чакырат.
5-декабрда Евразия экономикалык комиссиясынын жыйынында ПК үчүн системалык блокторду биргелешип өндүрүү боюнча жаңы долбоор бекитилди. Бул долбоорго биринчи жолу кыргызстандык компания — «Кыргызэлектроника» тартылып, металл корпустарды өндүрүү менен алектенет. Бул тууралуу маалымат Экономика министрлигинин сайтында жеткиликтүү.
Долбоор ПАО «Сбербанк» тарабынан сунушталды, ал эми анын ишке ашырылышы Россиянын «Бештау Электроникс» компаниясы тарабынан Кыргызстандын жана Беларусиянын ишканалары менен кызматташтыкта жүргүзүлөт.
Кыргызстандык компания активдүү катышат: 2030-жылга чейин «Кыргызэлектроника» 175 миң корпус өндүрүүнү пландаштырууда, бул ишканага 416 миллион рублдан ашык киреше алып келиши мүмкүн.
Долбоорду ылдамдатуу үчүн ЕАЭС 222.2 миллион рубль өлчөмүндө субсидия бөлөт. Бул каражаттар кредиттик ставкаларды 23% дан 6.5% га төмөндөтүүгө мүмкүндүк берет, бул өндүрүш линиясынын ишке киришин кыйла жеңилдетет.
План боюнча:
• даярдоо этабы — 2026-жылдын башынан 2027-жылдын башына чейин;
• өндүрүш процессин ишке киргизүүнүн эки этабы;
• толук кубаттуулукка чыгуу — 2028-жылдын экинчи кварталында.
Бул долбоордо колдонулган финансылык схема 2023-жылдан бери ЕАЭС чегинде иштеп жатат жана өнөр жай кооперациясын колдоо үчүн иштелип чыккан, катышуучу өлкөлөрдүн өндүрүш ишканаларына биргелешкен өндүрүштөр үчүн жеткиликтүү кредиттер алууга мүмкүндүк берет.
Сүрөт www
