Маанилүү белгилеп өтүүчү нерсе, система Курултай учурунда жасалган кайрылууларды гана камтыйт. Ага кирүү чектелген, жана ар бир колдонуучу үчүн уникалдуу логин жана сырсөз каралган. Бул чаралар маалыматтын коопсуздугун камсыздоого багытталган. Иш-чараларды аткаруунун жүрүшү тууралуу маалымат сайтта реалдуу убакытта жаңыртылып турат.
Курултайдын жыйынтыктарына ылайык, эң көп кайрылуулар жана сунуштар ушул министрликке келип түшкөн, бул анын ишинин кеңири спектрин баса белгилейт.
Су ресурстары, айыл чарба жана кайра иштетүү өнөр жайы министрлиги Курултайга келген кайрылууларды иштеп чыгуу үчүн электрондук системаны иштеп чыккан Кабинет министринин структурасындагы жалгыз мекеме болуп саналат. Системаны иштеп чыгуу "Агросмарт" мамлекеттик мекемеси тарабынан жүргүзүлгөн.
Иш-чара учурунда аталган системаны түзүүнүн зарылдыгы, анын иштеп чыгуу этаптары жана электрондук форматта маалыматты кабыл алуу жана иштетүү мүмкүнчүлүктөрү тууралуу кенен маалымат берилди. Адистер системанын иштөө механизмин практикалык түрдө көрсөтүштү.
2025-жылга карата III Элдик Курултайдан келген кайрылуулар жыйынтыкталып, 410 пункттан турган иш-чаралар планы бекитилген. Алардын ичинен 50 иш-чара (12%) аткарылган, 360 (88%) ишке ашыруунун стадиясында, аткарылбаган иш-чаралар жок.
Ошол эле учурда, 60% кайрылуулар ирригация менен байланышкан маселелерге, ал эми 23% калкты таза суу менен камсыздоо маселелерине тиешелүү. Бул багыттардын стратегиялык маанисин эске алганда, учурдагы иш-чаралардын көпчүлүгү аткаруу процессинде.
Калкты таза суу менен камсыздоого багытталган долбоорлордун орточо аткаруу мөөнөтү туруктуу каржылоонун шартында 3төн 3,5 жылга чейин созулат. Ошондуктан, система боюнча маалымат дайыма жаңыртылып турат, ал эми иш-чараларды аткаруу ар бир этапта жетекчилик тарабынан көзөмөлдөнөт.
