Мамлекет инвесторлорду колдоонун жаңы моделин киргизүүдө
2026-жылдын 1-январынан тартып Кыргызстанда негизсиз бизнес текшерүүлөр токтотулат, бул тууралуу Улуттук инвестицияларды тартуу агенттигинин жетекчиси Равшанбек Сабиров билдирди.
Агенттиктин жетекчиси бул чечим мамлекеттин инвесторлор менен иштөөдө жаңы моделге өтүү бөлүгү экенин белгиледи. Бул модель так жана кепилденген укуктарды, инвестициялык кепилдиктерди коргоону, ошондой эле мамлекеттик-жеке өнөктөштүктүн кеңейген механизмдерин жана келишимдерди түзүү үчүн ийкемдүү инструменттерди камтыйт.
«Инвесторлор ачык процесстерге, чечим кабыл алуу системасына жана сапаттуу коштоого — биринчи кайрылуудан баштап инвестициялык долбоордун толук аякташы менен — жеткиликтүү болушу керек», — деп кошумчалады Сабиров.
Ал ошондой эле жаңы моделди иштеп чыгууда мыкты эл аралык практикалар талданып, Кыргызстанда «бирдиктүү терезе» принциби боюнча иштеген заманбап механизмдер активдүү киргизилип жатканын белгиледи, бул бизнес менен мамлекеттик структуралардын өз ара аракеттенүүсүн кыйла жеңилдетиши керек.
Сүрөт www
