Кенен текшерүү Счеттук палатасы тарабынан жүргүзүлөт
Президент Садыр Жапаровдун оперативдик тапшырмасынын алкагында заводдун учурдагы абалы, кызматкерлердин эмгек акысы жана социалдык аспектилер боюнча талкуулоо өткөрүлдү. Заводдун кызматкерлери келечек боюнча өз кооптонууларын билдиришти, ал эми Торобаев өкмөт тарабынан даярдалган эмгек акы боюнча карызды төлөө жана инвесторлорду издөө тууралуу токтом жөнүндө маалымдады.
Ошондой эле, заводдун жумушчулары убактылуу төлөнбөгөн отпускка жөнөтүлөрү маалымдалды. Эгер жумуштан бошотулса, кызматкерлер Кыргыз Республикасынын Эмгек кодексине ылайык төлөмдөрдү алышат.
Вице-премьер-министр заводдун ишин калыбына келтирүү үчүн атайын жумушчу топ түзүлгөнүн кошумчалады. Өндүрүштү диверсификациялоо жана жаңы багыттарды ачуу мүмкүнчүлүктөрү анализделип жатат. Кызматкерлерге толук эмгек акы төлөө 2026-жылдын январь айынын аягына чейин пландалууда. Мындан тышкары, Счеттук палата заводдун финансылык-экономикалык жана башкаруучулук ишмердүүлүгүн баалайт. Жарык берүүчү лампаларды өндүрүү токтотулат, анткени бул товар эл аралык рынокто актуалдуу эмес болуп калды.
Маалымат үчүн, Майлуу-Суй лампа заводу 1964-жылы ишин баштап, учурда ар кандай түрдөгү айнек идиштерин, анын ичинде айнек идиштер, бөтөлкөлөр, банка жана светодиод лампаларын өндүрөт.
Эскерте кетсек, заводду жабуу жана жумушчулар үчүн убактылуу төлөнбөгөн отпуск пландары тууралуу маалымат мурда Жалал-Абад облусунда президенттин ыйгарым укуктуу өкүлүнүн орун басары менен болгон жолугушууда айтылган.
Сүрөт www
