Кыргызстанда медицина кызматкерлерине 5 миң батирди кезексиз бөлүү чечими кабыл алынды. Бул тууралуу саламаттыкты сактоо министри Каныбек Досмамбетов өлкөдөгү балдар медициналык мекемелерине болгон сапары учурунда билдирди.
Ал белгилеп өттү: «Медициналык кызматкерлерге 5 миң ипотекалык батир берүү чечими социалдык коргоону жакшыртууга, квалификациялуу адистерди кармап калууга жана дарыгер кесибинин жагымдуулугун арттырууга багытталган».Мындан тышкары, министр президент Садыр Жапаровдун демилгеси менен 2026-жылдын апрелинен баштап дарыгерлердин айлыгы эки эсе көбөйтүлөт деп белгиледи.
