2025-жылдан баштап Кыргызстандагы агрардык сектор жаңы деңгээлде колдоо алууда. Эгер мурда эки гана программа болсо, азыр алардын саны бешке жетти: ФСХ-13, КАПК, ФОТП, ошондой эле тукумдук жана үрөн өндүрүшү боюнча долбоорлор. Бул маалыматты Кыргыз Республикасынын Азык-түлүк жана айыл чарба министрлиги берди.
2025-жылга 12 миллиард 242 миллион сом каралган, анын ичинен 11 миллиард 369 миллион сому финансыланган. Ошентип, каражатты пайдалануу деңгели 92,8% түздү. «Агроөнөржайды каржылоо – 13» программасы 100% аткарылды, ал эми «Агроөнөржай комплексин кредиттөө» программасы рекорддук деңгээлге 166% жетти.
Мындан тышкары, Мамлекеттик инвестиция программасы (МИП) алкагында 12 ири инвестициялык долбоорлор ишке ашырылууда. Такталган бюджети 9 миллиард 707 миллион сом болсо, 6 миллиард 502 миллион сом пайдаланылган, бул 67% түзөт.
Башка капиталдык салымдар боюнча, 3 миллиард 348 миллион сомдук бюджеттен 2 миллиард 162 миллион сом пайдаланылган, бул 64,6% түзөт.
