Эгер мурун жеңилдетилген шарттардагы кредиттер эки программа чегинде гана берилсе, 2025-жылы алардын саны бешке чейин көбөйөт, анын ичинде «Айыл чарбасын каржылоо», «Агроөнөржай комплексин кредиттөө», ошондой эле тукумдук мал чарбачылык жана уруктандыруу боюнча долбоорлор бар.
Өткөн жылга бөлүнгөн жалпы сумма 12 миллиард 242 миллион сомду түзсө, фактически 11 миллиард 369 миллион сом пайдаланылган, бул пландалган суммага карата 92,8% түзөт. «Айыл чарбасын каржылоо — 13» программасы 100% аткарылса, «Агроөнөржай комплексин кредиттөө» 166% аткарылган.
Мындан тышкары, мамлекеттик инвестициялык программа чегинде агрардык сектордо 12 ири инвестициялык долбоор ишке ашырылды. Пландалган 9 миллиард 707 миллион сомдон 6 миллиард 502 миллион сом пайдаланылган, бул 67% түзөт. Ошондой эле капиталдык салымдар боюнча оң динамика байкалууда, анда пайдалануу деңгээли 64,6% жетти.
Министрлик жетишилген жыйынтыктар беш негизги багыт боюнча өлкөнүн агрардык секторунун туруктуу жана системалуу өнүгүүсүн тастыктап, мамлекеттик колдоо маанилүү жыйынтыктарды алып келерин белгиледи.
