Агенттиктин басма сөз кызматынын маалыматы боюнча, завод 1996-жылдан бери өлкөнүн рыногунда ийгиликтүү иштеп жатат, иштөө мезгилинде өндүрүштү өнүктүрүүгө, жаңы жумуш орундарын түзүүгө жана бюджетке салык түшүүлөрүн көбөйтүүгө 113 миллион доллардан ашык инвестиция салды. 2026-жылы «Кока-Кола Бишкек Боттлерс» өзүнүн 30 жылдыгын белгилейт.
НАИнин сүрөтү
Жолугушуунун жүрүшүндө жабдууларды модернизациялоо жана заводдун инфраструктурасын кеңейтүү пландарына өзгөчө көңүл бөлүндү. Бул кадамдар өндүрүш көлөмүн гана эмес, ишкананын өлкөнүн экономикасына кошкон салымын да күчөтүүгө мүмкүндүк берет.
Тараптар мамлекеттин колдоосу, анын ичинде инвестициялык тартымдылыкты жогорулатууга жана долбоорлорду ишке ашырууну тездетүүгө жардам бере турган мүмкүн болгон стимул механизмдерин талкуулашты. Мындай демилгелер Кыргызстандын өнөр жай потенциалын күчөтүүгө жана инвестициялык климатты жакшыртууга багытталган.
Улуттук агенттик компаниянын инвестициялык планын ишке ашырууну колдоо үчүн учурдагы механизмдердин алкагында преференцияларды алуу боюнча жардам көрсөтөт.
Зыяраттын жыйынтыктары боюнча тараптар конструктивдүү өз ара аракеттенүүгө жана өз ара пайда алып келүүчү кызматташтыкты өнүктүрүүгө даяр экендиктерин билдиришти.
