Анын педагогикадагы жалпы стажы 22 жылды түзөт.
«Мен 1980-жылы төрөлгөм. 1997-жылы мектепти аяктагандан кийин, К.Тыныстанов атындагы Ысык-Көл мамлекеттик университетинин искусство факультетине тапшырдым. Диплом алгандан кийин Караколдогу балдар билим берүү борборунда карьерамды баштадым. Кийин Ак-Суй районуна көчүп, азыркыга чейин ошол жерде иштеп жатам. Балдар үчүн «скульптура жана сувенирлер» кружогун алып барам», - деди Гүлзат.
Ал активдүү түрдө өз окуучуларына колдонулбай калган буюмдарды жаңыча пайдаланууга жардам берип, аларды материалдар менен иштөө боюнча ар кандай техникаларга үйрөтөт.
«Учурда менде үч топ бар, жана мен 50гө жакын баланы окутам. Биз кагаз, пластик бөтөлкөлөр жана полиэтилен пакеттери менен иштейбиз. Мурда сатып алынган материалдардан кол өнөрчүлүктөрдү жасачубуз, бирок 2020-жылы коронавируска байланыштуу карантин башталганда, базардан керектүү буюмдарды сатып алууда кыйынчылыктарга туш болдук. Ошондуктан биринчи жолу колдонгондон кийин утильге жөнөтүлгөн калдыктарды колдонууга өттүк. Бул бизге таштандынын көлөмүн азайтууга жана кызыктуу иштерди жаратууга мүмкүндүк берет. Биз көргөзмөлөргө катышабыз, ал эми менин окуучуларыма жасаган эмгектери райондук, облустук жана эл аралык конкурстарда сыйлык алган», - деп белгиледи ал.
Гүлзат окуучуларынын ар бир сабакты чыдамсыздык менен күтүп жатканын баса белгиледи.
«Курска таланттуу, идеяларга толгон балдар келишет. Алардын эч кимиси мажбурлап келбейт, ар бир сабакты кубаныч менен күтүшөт. Сабак аяктаганда, мен аларды үйлөрүнө жиберүүдө кыйынчылык тартам. Алардын жасаган сувенирлерин көбүнчө жакындарына белек кылышат. Менин курсумда окуган кыздардын кээ бирлери искусство жаатында билимдерин улантышты, жана мен алардын жетишкендиктери менен сыймыктанам», - деп кошумчалады мугалим.
Гүлзат ошондой эле педагогикадагы жетишкендиктери үчүн жергиликтүү бийликтен жана Билим берүү жана илим министрлигинен Ардак грамоталары менен сыйланганын, ошондой эле билим берүүнүн отличниги белгисин тагынганын белгиледи.
Галерея: Гүлзат Илебаева
