Республикалык бюджетти талкуулоо учурунда парламентте спорт тармагына бөлүнгөн каражаттар 2,5 млрд сомду түзгөндүгү тууралуу маалымат айтылды. Салыштыруу үчүн, 2024-жылы бул сумма 2,2 млрд сом болсо, 2020-жылы каржылоо болгону 800 млн сомду түзгөн.
Касымалиев ошондой эле 2025-жылы машыктыруучулардын айлык акысынын 30%га жогорулашы боюнча демилге киргизилгенин, бул физикалык культура жана спорт тармагындагы кадрларды колдоодо маанилүү кадам болгонун белгиледи.
Мындан тышкары, бул жылы спорттук инфраструктураны өнүктүрүү боюнча активдүү иштер улантылды. Атап айтканда, 5 миң көрүүчүнүн орундугуна ылайыкташкан «Жаштык» кичи спорттук аренасынын курулушу башталды, анын баасы 1,3 млрд сом. Ошондой эле 51 миң көрүүчүнү кабыл ала турган «Бишкек-Арена» футбол стадионунун курулушу улантылды.
Манас шаарында жыл бою 5200 орундуу спорттук сарай курулду, анын баасы 1 млрд сомду түзөт.
«Бул демилгелер спорт тармагын башкарууну реформалоо жана Физикалык культура жана спорт боюнча Мамлекеттик агенттигин түзүү учурунда ишке ашырылды, бул өлкөдөгү массалык жана профессионалдык спортту өнүктүрүү боюнча системалуу мамиле жүргүзүүгө мүмкүнчүлүк берди», - деп кошумчалады Касымалиев.
