Жыйында катышуучулар борбордогу балдар-өспүрүм жана профессионалдык спорттун өнүгүүсүнө байланыштуу маанилүү маселелерди карашты. Бюджеттик чыгымдарды пландоого, ошондой эле шаардык, республикалык жана эл аралык спорттук мелдештерди уюштурууга негизги көңүл бөлүндү.
Мындан тышкары, жыйын учурунда спорт мектептеринин ишинин натыйжалуулугун жогорулатуу, жогорку квалификациялуу спортчуларды даярдоо үчүн шарттарды түзүү жана Бишкектеги спорт резервин мындан ары өнүктүрүү жолдору талкууланды.
Мэриянын маалыматына ылайык, учурда Бишкекте 12 адистештирилген балдар-өспүрүм мектептери олимпиадалык резерв катары иштеп жатат.
