Муниципалитеттин башчысы учурда Ошто англис, латын, кытай, араб жана өзбек тилдеринде жазылган аталыштарды кездештирүүгө болорун белгиледи. Жайлардын ээлери 10-ноябрга чейин аталыштарын кыргыз тилин колдонуу талаптарына ылайыкташтырууга милдеттүү.
Өкмөт органдары мамлекеттик тил боюнча комиссия менен биргеликте бул маселени чечүүгө киришиши керек.
Буга чейин октябрдын башында Turmush маалымдагандай, Ошто өзүнүн токтотуучу жайы жок кафе, ресторан жана соода борборлору ишин токтотууга мажбур болот. Бул чара шаардыктар менен коноктордун коопсуздугун камсыз кылууга жана жолдордо тыгындарды азайтууга багытталган. Ал 1-ноябрдан тарта күчүнө кирет.
Мэрия ошондой эле ар бир коомдук тамактануу жайы өзүнүн токтотуучу жайына ээ болушу керек экенин баса белгилеп, ээлеринин мүмкүн болушунча тез арада мындай жайларды уюштурууга милдеттүү экенин айтты.
____________
Ош шаардык кеңешинин сессиясында 10-сентябрда мэр Женишбек Токторбаев борбордук бөлүктөгү кафелер токтотуучу жайлары жок болсо суу жана электр энергиясынан ажыратыларын билдирди. Ал ресторандар өзүнүн токтотуучу жайына ээ болушу керек экенин айтып, «Атабек», «Жаны доор» жана «Исламбек» сыяктуу конкреттүү жайларды белгиледи. Эгер алар бул талапты аткарбаса, электр энергиясы ажыратылат. Мэрдин айтымында, 2-3 кафе эскертүүлөрдү эске албай, токтотуучу жайларды куруудан баш тарткан, бул болсо алардын электр энергиясынан ажыратылышына алып келди.
