Түйүн, шакек түрүндөгү көпүрө болуп, Г. Айтиева жана Б. Осмонов көчөлөрүнүн кесилишинде жайгашат, деп билдирет мэриянын басма сөз кызматы.
Проект боюнча, түйүндүн узундугу 354 метр, туурасы 50 метрди түзөт. Ошондой эле көпүрөнүн астында жашыл зона түзүү, заманбап жарык системаларын, жамгыр суусун өткөрүүчү лотокторду, жөө адамдардын өтмөктөрүн жана жол белгилерин орнотуу пландалууда.
Мэрия курулуш аяктагандан кийин бул объект Ош шаарында маанилүү транспорттук түйүн болуп, тыгындарды азайтууга, үзгүлтүксүз кыймылды камсыз кылууга жана жолдордо коопсуздукту жогорулатууга жардам берээрин белгиледи.
