Кыргыз Республикасынын Казандагы Генералдык консулу Эрик Бейшембиев, Татарстан Республикасынын өкмөтүндө премьер-министрдин орун басары Василь Шайхразиевдин жетекчилиги менен өткөн кеңейтилген жыйынына катышты.
Жыйынынын негизги темасы 30-ноябрда пландалган Кыргыз Республикасынын Жогорку Кеңешинин депутаттарын шайлоону уюштуруу маселелери болду.
Жыйында Кыргыз Республикасынын жарандары жашаган мамлекеттик жана коомдук структуралардын, ошондой эле муниципалитеттердин өкүлдөрү катышты.
Генконсул өз сөзүндө катышуучуларга Кыргызстандагы шайлоо системасындагы акыркы өзгөртүүлөр тууралуу айтып, Татарстан аймагында эки шайлоо участогунун ачылганын маалымдады.
Региондо жашап, иштеп жаткан кыргызстандыктардын саны тууралуу профилдик мекемелердин жетекчилери тарабынан берилген маалыматка жооп катары шайлоо процессин уюштурууда зарыл болгон колдоону көрсөтүү боюнча тиешелүү структураларга тапшырмалар берилди.
