Бүгүнкү күндө салык төлөчүлөр кызмат көрсөтүү үчүн алынган сумманы көрсөтүүнүн ыкмасын өз алдынча тандай алышат:
- «кызмат көрсөтүү» деген аталыштагы өзүнчө сап катары;
- же товарлар же кызматтардын баасына кошумча наценка түрүндө, бул да кызмат көрсөтүүнүн бөлүгү катары каралат.
Мисалы, бир ресторанда тамактын баасы 500 сом болсо, ага кызмат көрсөтүү үчүн 10% кошулат — бул 50 сом, натыйжада жалпы сумма 550 сом болот. (Үлгү №1)
Бул учурда ККМ-чек эки саптан турат: тамактын баасы жана «кызмат көрсөтүү» үчүн өзүнчө сап. Кызмат көрсөтүү үчүн алынган сумма өзүнчө көрсөтүлүп, фискалдык программалык камсыздоо системасына өзүнчө позиция катары өткөрүлөт.
Башка бир кафеде ошол эле тамак 550 сом болушу мүмкүн, бул жерде кызмат көрсөтүү үчүн наценка жалпы суммага киргизилген. Ошол учурда чектеги тамактын суммасы жана наценка бир сапта көрсөтүлөт. (Үлгү №2)
Эки ыкма да кабыл алынуучу болуп саналат жана салык төлөчүлөрдүн эсеп саясатына жараша колдонулушу мүмкүн. Негизги шарт — фискалдык чектеги бардык операцияларды туура көрсөтүү.
Эскертүү керек, Салык кызматы фискалдык программалык камсыздоону автоматтык маалымат өткөрүү функциясы менен колдонууга багытталган пилоттук долбоорду киргизүүдө.
Бул долбоордун максаты — тамактануу тармагындагы эсептөөлөрдүн ачыктыгын жогорулатуу жана процессти санарип форматка өткөрүү.
Пилоттук долбоордун алкагында тамактануу тармагындагы бизнес-процесстер бир нече өзгөрүүлөргө учурады: эсептөөнү баштоодон мурун төлөм ыкмасын — накталай же накталай эмес — тандап алуу керек.
Мындан тышкары, бул программалык камсыздоо аркылуу түзүлгөн ККМ-чек мыйзамдарда каралган бардык милдеттүү реквизиттерди камтыйт.
Салык төлөчүлөрдүн баа саясатына болгон өзгөрүүлөр фискалдык программалык камсыздоонун киргизилиши менен шартталган эмес. Бул система болгону жүргүзүлгөн операцияларды эсептик маалыматтарда туура көрсөтүү үчүн каттап турат.
