Ташкентте «Ортолук Азия: жалпы руханий-илимий мурас - жалпы келечек» аттуу эл аралык форум башталды.
Өткөрүү жери — Ислам цивилизациясы борбору.
Иш-чарага Кыргызстан, Өзбекстан, Казакстан, Тажикстан, Түркмөнстан жана Азербайжан сыяктуу ар түрдүү өлкөлөрдөн 300гө жакын адистер, анын ичинде илимпоздор жана билим берүү тармагынын өкүлдөрү катышууда.
Конгресстин демилгечиси Өзбекстандын президенти Шавкат Мирзиёев.
Форум Шавкат Мирзиёевдин катышуучуларга видеокайрылуусу менен ачылды.
Ал дүйнөнүн ар кайсы жерлеринде болуп жаткан конфликттердин шартында тарых сабактарынан үйрөнүү, туруктуулукту жана тынчтыкты сактоо, ошондой эле элдер ортосундагы түшүнүшүүнү бекемдөө үчүн илимге жана билимге таянуу маанилүү экенин белгиледи.
«Мен бул форум биздин өлкөлөр ортосундагы достукту жана кызматташтыкты бекемдөөгө багытталган маанилүү платформа болуп, илим жана билим берүү тармагында жаңы долбоорлорду иштеп чыгууга жардам берет деп ишенем», - деди ал. ```
