Башкы шаар мэри Айбек Джунушалиев Кыргыз Республикасынын Жогорку Кенешинин депутаттарын шайлоодо №1220 шайлоо участогунда добуш берди. Бул маалымат Бишкек мэриясынан алынды.
Ведомствонун маалыматы боюнча, шайлоо күнү Бишкекте 296 шайлоо участкасы иштейт, алардын бардыгы добуштарды эсептөө үчүн автоматтык ящиктер менен жабдылган. Жер-жерлердеги операторлор жаңы жабдууларды колдонуу боюнча атайын тренингдерден өтүшкөн.
Бишкекте 296 участкалык шайлоо комиссиялары жана 4 округ түзүлгөн. Анын ичинен 233 участак шаардык зонада, ал эми 63 участак Чүй округунда (Аламүдүн, Ысык-Ата жана Сокулук райондору) жайгашкан. Бишкек мэриясы бардык 296 участак үчүн уюштуруу-техникалык колдоо көрсөтөт.
Добуш берүүнү жеңилдетүү үчүн Борбордук шайлоо комиссиясы төмөнкү даректер боюнча дистанциялык добуш берүү үчүн 11 участак ачты:
• «Ош базары» базарында – 1 участак;
• «Asia Mall» ТРЦсында – 1 участак;
• «Манас» эл аралык аэропортунда – 2 участак;
• «Дордой» базарында – 2 участак;
• «Аламедин» базарында – 1 участак;
• «Дордой Плаза» комплексинде – 1 участак;
• «Бишкек Парк» ТРЦсында – 1 участак;
• Улуттук госпиталда (1200 орун) – 1 участак;
• «Орто-Сай» базарында – 1 участак. ```
