Райондун акими Алмазбек Рахманкулов, биринчи жолу добуш берүүгө катышууну чечкен жаш шайлоочуга белек тапшырды.
25-округда, анын ичинде Ысык-Ата районуна 17 талапкер катышууда. Округдун борбору Кант шаары болуп саналат. Округда 79 шайлоо участогу жайгашкан, алардын 53 Ысык-Ата районунда, 15 Кант шаарында жана 11 Бишкекте.
Бул округда жалпы 141 миңден ашык шайлоочу катталган, алардын 90 миңге жакыны Ысык-Ата районунда жашайт.
Алмазбек Рахманкулов Жайылма айылдык аймагында жайгашкан №7142 участогунда добуш берди. Ал Тахирге, шайлоого биринчи жолу катышып жаткан жаш жигитке ийгилик каалап, белек тапшырды. Тахирдин өз элинин келечеги үчүн кам көргөн активдүү жана патриоттук жаран болушуна үмүт артып, ага белек берди.
№25 шайлоо округу
Борбору: Кант шаары, Ысык-Ата райондук мамлекеттик администрациясынын имараты.
Жалпы шайлоочулардын саны: 141 173
Чектери: Тунгуч, Рухий Мурас, Кара-Жыгач, МТУ-406, Бишкек шаарынын Октябрь районундагы Алтын-Ордо; Узун-Кыр, Жайылма, Ак-Кудук, Жээк, Кочкорбаев, Нурманбетов, Кен-Булун, Сын-Таш, Ысык-Ата айылдык аймактары Ысык-Ата районунда толугу менен; Кант шаары толугу менен.
