28-ноябрда Кореянын Азия маданияттары улуттук борборунда «Семетей» спектакли көрсөтүлдү, ал эки тилде аткарылып, корей-кыргыз чыгармачылык командасы тарабынан заманбап стилде сунушталды.
Кыргыз Республикасынын Маданият министрлигинин маалыматына ылайык, иш-чарада биринчи вице-министр Союзбек Надырбеков, Кванджунун чыгармачыл интеллигенциясынын өкүлдөрү жана театр сүйүүчүлөрү катышты.
Спектакль аяктаган соң Надырбеков Кванджуда окуп жаткан студенттер менен жолугушуу өткөрдү. Бул спектаклдин Бишкекте 11-12-декабрда көрсөтүлүшү күтүлүүдө. ```
