Жаңы 30-ноябрда кол коюлган жарлыкка ылайык, Египетке кирүү визасынын баасы $45ке жогорулады. Өзгөртүүлөр 1-декабрдан тарта күчүнө кирди, деп билдирет ТАСС маалымат агенттиги. Мурда визалык төлөм $25 түзгөн.
Тарифтерди жогорулатуу боюнча мыйзам долбоорунун демилгечиси Египеттин тышкы иштер министрлиги болуп, парламент тарабынан 2-ноябрда колдоо тапкан. Бирок бул чара өлкөдө ар кандай реакцияларды жаратты. 11-ноябрда туристтик маселелер боюнча палаталар федерациясы премьер-министр Мустафа Мадбулиге жана туристтик министр Шериф Фатхига бааларды жогорулатуу чечимин кайра карап чыгуу өтүнүчү менен кайрылды. Туризм тармагындагы адистер визанын баасынын жогорулашы Египеттин эл аралык туристтик рыноктогу атаандаштыкка терс таасир этет деп кооптонушууда.
