Рахманов 4-декабрда БШКнын жумушчу тобунун жыйынына чакырылган, ал жерде өзүнүн доо арыздарын тастыктады, бирок көрсөтүлгөн роликтердин трансляциялангандыгын тастыктаган эч кандай документ же башка далилдерди бере алган жок.
Комиссия 43-беренеге ылайык, бардык доо арыздар негиздүү болушу жана далилдер менен бекемделиши керек экенин эске салды. Жумушчу топ Рахмановдун негиздери жетиштүү далилдерге ээ эместигин жана болжолдуу мүнөздө экенин белгилеп, аларды далил катары кабыл алууга болбой тургандыгын чечти.
Натыйжада, БШК Рахмановдун доо арызын күчүндө болгон шайлоо мыйзамдарына ылайык четке какты.
