Каржылоо инвестор тарабынан "Ак-Кула" ат майданынын эски аймагында жаңы микрорайон куруу боюнча келишимдин алкагында жүргүзүлгөн.
"Мамлекеттик бюджеттен бир сом да сарпталган жок. Генералдык план үчүн төлөм бюджеттен тышкаркы каражаттардан келишимге ылайык жүргүзүлөт. Өткөн жылы биз эски ат майданында инвестициялык долбоорду баштадык, жана бул келишимде инвестор генпланды иштеп чыгууга да каржылоону өзүнө алат. Ошентип, ROX Group анын түзүлүшүнө байланыштуу бардык чыгымдарды өзүнө алууда", - деп тактады Кадыров.
Вице-мэр генпланды иштеп чыгуу боюнча чыгымдардын деталдарын ачыктаган жок.
Инвестор тууралуу маалымат
Эски ат майданында инвестициялык долбоорду ROX Group жана TNG Global Foundation эки компания биргелешип ишке ашырууда.Ачык булактарга ылайык, TNG Global компаниясы - Гибралтарда жайгашкан борбордук офиске ээ болгон, курулуш жана недвижимостьти башкаруу менен алектенген эл аралык уюм. Ал турак жай, коммерциялык, бөлшөк жана мейманкана секторлорунда активдүү катышууда.
ROX Real Estate - Аризонадагы Алтын коридорундагы недвижимость тармагындагы алдыңкы компания, коммерциялык жана өнөр жай недвижимосту сатып алуу, сатуу, ижарага берүү жана инвестициялоо боюнча кызматтарды сунуштайт.
Мэрияда мурда маалымдалгандай, эски ат майданында "Ак-Кула" микрорайону курулат, анда 200 метрден жогору беш имарат болот. Долбоордун толук мөөнөтү он жылды түзөт, бирок компаниялар аны беш жылда аяктоого убада беришти.
Мындан тышкары, инвесторлор жергиликтүү бюджетке $67 млн өлчөмүндө бир жолку төлөмдү киргизүүгө милдеттеништи. Алар ошондой эле өз каражаттары менен үч мектеп, үч бала бакча, поликлиника, парк, сквер, ошондой эле магистралдык жолдор жана инженердик коммуникациялар курууну пландаштырууда, алар кийин муниципалдык менчикке өткөрүлөт.
