Программага катышуу үчүн жарактуу чет өлкөлүк паспорт жана Gmail электрондук дареги болушу керек, анда паспортко ылайык келген ат жана фамилия көрсөтүлүшү шарт. Онлайн каттоо программаны кызыкдар экендигин гана тастыктап, андан ары катышууну кепилдебей турганын белгилөө маанилүү.
Орус тилин билүү боюнча тестирлөө 2026-жылдын январь айында өтөт, ал эми жеке маектешүүлөр февраль айына белгиленген. Жумуштар 2026-жылдын апрель айында башталып, саатына 12,71 фунт стерлинг төлөнөт, жумасына минималдуу 32 саат иштөө талап кылынат. Виза наркы 319 фунт, учак билети өзүнчө төлөнөт.
Кандидаттар 18 жаштан жогорку болушу, орус тилин жакшы билүүсү жана физикалык жана психологиялык жактан канааттандырарлык абалда болушу керек. HOPS аялдардын арыздарын өзгөчө кубаттайт. HOPS программасы боюнча Улуу Британияда иштегендер операторго түздөн-түз кайрылышы керек.
Катышуучуларды тандоо тек гана HOPS тарабынан жүргүзүлөт, Жумушка орноштуруу борбору бул процесске катышпайт. Программа акысыз; алдамчылык же акча талап кылуу аракеттери тууралуу [email protected] дарегине билдирүү керек.
