Алардын айтымында, Билим берүү министрлиги мугалимдердин туруктуу кесиптик өнүгүүсүн пландоо жана алардын окутуу процессинде компьютердик технологияларды колдонуу жөндөмүн, анын ичинде тесттик тапшырмаларды аткарууну баалоо максатында тестирлөө өткөрүү жөнүндө буйрук чыгарган. Ошондой эле бул демилге мугалимдердин кесиптик стандарттын талаптарына ылайыктыгын текшерүүгө багытталган.
Тестирлөө математика, физика, химия, биология, география, информатика жана англис тили сабактарын окуткан мугалимдерди камтыйт, алар Билим берүү министрлиги тарабынан берилген ноутбуктарды колдонушат. Онлайн-тестирлөө ноябрдын аягына чейин өтөт.
