Зульхарнеевдин айтымында, Россиянын жогорку окуу жайларына кабыл алуу арыздарын берүү процесси традиция боюнча күздө башталат. Арыз берүү процессинин жөнөкөй, жеткиликтүү жана ачык экендигин, бардык адистиктерди жана билим берүү деңгээлдерин камтыйт.
Ал бүтүрүүчүлөргө арыздарды окуу жылынын аяктоосуна чейин берүүнү кечиктирбөөнү сунуштайт. «Көпчүлүгү июнь же июль айларында гана келечек жөнүндө ойлонушат, бирок бул өтө кеч. Россиянын жогорку окуу жайларына бюджеттик орунга кабыл алуу үчүн 15-декабрга чейин арыз берүү керек. Бүтүрүүчүлөр бакалавриат (окуу мөөнөтү — төрт жыл) же адистик (беш жыл) тандай алышат. Эгерде дипломго ээ болсо, магистратурада, аспирантурада же медициналык адистиктер үчүн ординатурада билим алууну улантууга мүмкүнчүлүктөр ачылат. Ошондой эле квалификацияны жогорулатуу курстары да бар, алар бир айдан эки жылга чейин созулушу мүмкүн», — деди ал.
Зульхарнеев Россиянын жогорку окуу жайларында билим алуунун негизги артыкчылыктарынын бири — бардык процесс акысыз экенин белгиледи. «Консультациялардан баштап тестирлөөгө чейин, финансылык инвестициялар талап кылынбайт. Бул маанилүү, анткени ар кандай кызматтарды сунуштаган адал эмес уюмдар болушу мүмкүн», — деп кошумчалады ал.
Ал ошондой эле арыз берүү онлайн форматта жүргүзүлөрүн, бул жеке катышуунун зарылдыгын жокко чыгарарын баса белгиледи. Документтерди сканерлеп, жөнөтүү жетиштүү. Тестирлөө да алыстан өткөрүлөт, катышуучу жалгыз болушу керек. Арыз берүү үчүн ОРТ же ЕГЭ тапшыруу талап кылынбайт, булар адатта окуу жылдын аягында өткөрүлөт — арыздар 15-декабрга чейин кабыл алынат.
