Анын айтымында, мурунку жылдардан айырмаланып, абитуриенттер документтердин көчүрмөлөрүн берүү жана бир нече мекемеде экзамендерден өтүү милдеттүү болгон болсо, азыр бул процесс кыйла жеңилдеди.
«Кыргызстанда болуп, керектүү адистикти тандай аласыз — медициналык, филология, геология же башка. Сизге бул адистикти сунуштаган университеттердин тизмеси берилет. Мисалы, Москвада эки, Санкт-Петербургда эки жана Екатеринбургда жана башка шаарларда бирден окуу жайды тандай аласыз. Жалпысынан программага 450дөн ашык университет катышат. Эгер тестирлөөдөн ийгиликтүү өтүп, керектүү баллдарды топтосоңуз, арыздарыңыз каралат», — деди Зульхарнеев.
Ал ошондой эле, окууга болот деген адистиктердин саны кыйла көбөйүп жатканын кошумчалады.
«Бул программа алкагында дээрлик бардык жарандык багыттар сунушталат: инженердик, чыгармачылык, педагогикалык, медициналык, айыл чарба, юридикалык, экономикалык жана IT. 700 квота боюнча ар кандай адистик топтору үчүн өзүнчө конкурстар өткөрүлөт, мисалы, чыгармачылык университеттер үчүн 30 орун, ал эми финансылык чалгындоо линиясы боюнча даярдык үчүн 45 орун бөлүнгөн. Бул жылы «Росатомдун» опордук университеттери үчүн магистратурага олуттуу орундар каралган», — деп кошумчалады ал.
Мындан тышкары, Зульхарнеев квота алкагында студенттер үчүн жатаканалар жана стипендиялар берилерин эскертти.
Россиянын жогорку окуу жайларына кабыл алуу боюнча бардык суроолорду Кыргызстандагы «Русский дом» мекемесине берүү керек.
