Россия Федерациясынын вице-премьер-министри Алексей Оверчук тапшырылган китептер тууралуу комментарий берип, Россия Кыргызстанга бул окуу материалдарын достук жардам катары кубаныч менен берет деп белгиледи. "Бүгүн биз үчүн бул пособияларды кыргыз досторубузга тапшыруу чоң кубаныч", — деди ал.
Интернеттен алынган сүрөт
Окуу пособиялары актуалдуу географиялык объектилер, валюта, каарман аттары жана иллюстрациялар эске алынып жаңыланды. Аларга ошондой эле Кыргызстандагы тарых, маданият, улуттук искусство жана адабият боюнча материалдар кошулду. Авторлор 12 жылдык билим берүү моделине өтүүнү эске алышты, бул окуу китептеринин узак мөөнөттүү колдонулушуна жардам берет.
Оверчук 90% дан ашык окуу китептери өлкөгө жеткирилгенин жана жакын арада алар мектептерге бөлүштүрүлө турганын кошумчалады. Орус тили жана адабияты боюнча окуу китептерин иштеп чыгуу, адаптациялоо жана жеткирүү программасы 2026-жылы улантылат, ошондой эле кыргыз окуу жайларына орус мугалимдери жөнөтүлөт.
