Генералдык прокуратуранын басма сөз кызматы билдиргендей, иш-чара 190дан ашык өлкөнүн өкүлдөрүн, анын ичинде 2000ден ашык прокурорлорду жана коррупцияга каршы ведомстволордун жетекчилерин, ошондой эле эл аралык уюмдардын жана жарандык коомдун катышуучуларын чогултту.
Бул конференция БУУнун коррупцияга каршы конвенциясын ишке ашыруу жана ар кандай мамлекеттер арасында кызматташтыкты бекемдөө боюнча маселелерди талкуулоо үчүн маанилүү эл аралык платформа болуп саналат.
CoSP-11дин алкагында Генералдык прокурор Кыргызстан тарабынан коррупцияга каршы күрөшүү боюнча кабыл алынган чаралар, анын ичинде укуктук жана институттук базаны жакшыртуу, ошондой эле эл аралык өз ара аракеттешүүнү өнүктүрүү боюнча маалымат берди.
Мындан тышкары, иш-чарада АКШнын Мамлекеттик катчысынын жардамчысынын орун басары Мэгги Нарди менен эки тараптуу жолугушуу болуп өттү, анда келечектеги кызматташтыктын мүмкүнчүлүктөрү талкууланды.
