17-декабрда Бишкекте Кыргызстандын Тышкы иштер министрлигинин Консулдук департаментинин директору Сейтик Жумакадыр уулу Тажикстандын өлкөдөгү элчиси Назирмад Ализодоюн менен жолугушту.
Жолугушуунун жүрүшүндө тараптар кыргыз-тажик консулдук кызматташтыгынын ар кандай аспектилерин, атап айтканда, эки мамлекеттин лидерлеринин Ош жана Худжанд шаарларында башкы консулдуктарды түзүү боюнча көрсөтмөлөрүн аткарууну талкуулашты.
Граждандардын укуктарын коргоо боюнча оперативдүү өз ара аракеттешүү маселелерине өзгөчө көңүл бурулду.
Жолугушуунун аягында катышуучулар мындан аркы активдүү кызматташтыктын маанилүүлүгүн белгилешти жана консулдук байланыштарды күчөтүүгө даяр экендиктерин билдиришти.
