Кыргызстандын Энергетика министрлигинин маалымат кызматынын маалыматына ылайык, бул жолугушууда энергетика тармагындагы маселелерге байланыштуу өз ара түшүнүшүү меморандуму кол коюлду.
Минэнерго сүрөтү. Кыргызстан жана Пакистан электр энергиясын өз ара жеткирүү боюнча макулдашышты
Жолугушуу 3-4-декабрда өтүп, эки тараптуу кызматташтыкты тереңдетүүгө жана биргелешкен энергетикалык долбоорлорду ишке ашырууга арналды.
Министрлер кызматташтыктын маанилүү аспектилерин, анын ичинде гидроэлектр станцияларын куруу жана пайдалануу боюнча тажрыйба алмашууну, заманбап технологияларды киргизүүнү, CASA-1000 долбоорунун алкагында өз ара аракеттенүүнү кеңейтүүнү, ошондой эле электр энергиясын өз ара жеткирүүнү уюштурууну талкуулашты: жайында Кыргызстандан Пакистанга, кышында болсо тескерисинче.
Ошондой эле жаңылануучу энергия булактарын өнүктүрүү перспективаларына жана жашыл энергетика тармагындагы биргелешкен долбоорлордун мүмкүнчүлүктөрүнө көңүл бурулду. Талкуулоолордун жүрүшүндө Кыргызстандагы энергетикалык долбоорлордо иштөө үчүн Пакистандан квалификациялуу адистерди тартуу маселеси каралды.
Эки өлкөнүн энергетика министрликтеринин башчылары тарабынан кол коюлган меморандум энергетикалык өнөктөштүктү бекемдөөгө жана жаңы эки тараптуу инициативалар үчүн негиз түзүүгө багытталган.
