Маалыматка ылайык, меморандум туристтик маршруттарды биргелешип өнүктүрүүнү камтыйт.
«Жаратылыш, тарыхый жана маданий көркөм жерлерди бириктирген регион аралык турларды түзүү пландалууда. Мындан тышкары, туристтик кызматтардын сапаты боюнча тажрыйба алмашуу жүргүзүлөт, ошондой эле гиддер, туристтик операторлор жана мейманканалардын өкүлдөрү үчүн биргелешкен билим берүү программалары уюштурулат. Эки тарап экологиялык туризмди өнүктүрүүнү да көздөп жатышат», — деп айтылат пресс-релизде.
Муну менен катар форумдун жүрүшүндө Кыргыз Республикасынын Электрондук соода ассоциациясы менен Шэньчжэнь провинциясынын (Кытай) чегара аралык электрондук соода ассоциациясынын ортосунда меморандумга кол коюлду. Бул документ өлкөлөрдүн санарип экономикасын өз ара өнүктүрүүгө, санарип жана финансылык жөндөмдөрдү жогорулатууга, ошондой эле электрондук соода тармагында биргелешкен иш-чараларды уюштурууга жана тажрыйба алмашууга багытталган.
