Түзүлгөн документ Кыргызстан менен Улуу Британиянын ортосундагы мамилелерди тереңдетүүгө жаңы мүмкүнчүлүктөрдү ачып, экономикалык өнөктөштүктү кеңейтүүгө, ошондой эле критикалык маанидеги минералдар менен байланышкан долбоорлорго инвестиция тартууга көмөктөшөт.
Эки тараптуу жолугушууларда катышуучулар кызматташтыктын учурдагы абалын, өз ара инвестицияларды көбөйтүү перспективаларын, бизнес байланыштарды өнүктүрүүнү, ошондой эле туруктуу өнүктүрүү жана табигый ресурстарды башкаруу боюнча биргелешкен демилгелерди талкуулашты.
Меморандум төмөнкү кызматташтык багыттарын камтыйт:
• геологиялык изилдөө жана илимий маалымат алмашуу;
• заманбап экологиялык, социалдык жана башкаруу стандарттарын (ESG) киргизүү;
• бизнес тармактарын өнүктүрүү жана инвестициялык долбоорлорду колдоо;
• институттар аралык өз ара аракеттешүүнү күчөтүү жана тажрыйба алмашуу.
