Тараптар кызматташтыктын учурдагы абалы жана аны кеңейтүү мүмкүнчүлүктөрүн, анын ичинде өз ара инвестицияларды көбөйтүү жана бизнес байланыштарды күчөтүү, ошондой эле биргелешкен долбоорлорду карашты.
Жолугушуунун жыйынтыгында Кыргыз Республикасынын министрлер кабинетинин жана Улуу Британия өкмөтүнүн ортосунда критикалык маанидеги минералдар боюнча өз ара түшүнүшүү меморандуму кол коюлду.
Келишим геологиялык изилдөөлөр, заманбап экологиялык, социалдык жана башкаруу стандарттарын киргизүү, ошондой эле бизнес байланыштарды өнүктүрүү жана тажрыйба алмашуу боюнча кызматташтыкты карайт.
Бул меморандумдун кол коюлушу кыргыз-британ мамилелерин тереңдетүүгө, экономикалык өнөктөштүктү кеңейтүүгө жана инвестицияларды тартуу жана критикалык маанидеги минералдар боюнча долбоорлорду ишке ашыруу үчүн кошумча мүмкүнчүлүктөрдү түзүүгө жаңы горизонтторду ачат.
