Аудит медициналык мекемелердеги кадрдык абал боюнча маселени, штаттык орундардын толтурулушун, эмгек акы шарттарын жана кошумча төлөмдөрдү колдонуу маселелерин да камтыды. Анализдин жыйынтыгы боюнча, кадрлардын жетишсиздиги жана бош орундардын болушу медициналык кызматтардын жеткиликтүүлүгүнө терс таасир этет деп белгиленди.
Аудиттин алкагында дары-дармек жана медициналык буюмдарды эсепке алуу, бухгалтердик отчеттуулукты жүргүзүү жана дебитордук карызды көрсөтүү боюнча кемчиликтер аныкталды. Аныкталган көйгөйлөрдү жоюу боюнча сунуштар берилди.
Мындан тышкары, «2024-жылга Кыргыз Республикасынын республикалык бюджети жөнүндө» мыйзамга ылайык, министрликтин такталган бюджети бекитилди жана жылдын жыйынтыгы боюнча бюджеттин аткарылышы 93 пайыздан ашты.
Жүргүзүлгөн аудиттин жыйынтыктары саламаттык сактоо тармагында бюджеттик каражаттарды башкарууну жакшыртууга, финансылык дисциплинаны жогорулатууга жана ресурстарды натыйжалуу пайдаланууга багытталган.
