Иш-чаранын катышуучуларынын арасында Нарын облусундагы президенттин ыйгарым укуктуу өкүлүнүн орун басары Айдана Иманалиева, Ат-Баши райондук мамлекеттик администрациясынын башчысы Эмилбек Абдыкадыров, орун басар аким Венера Мурзалымбекова, ошондой эле райондук билим берүү мекемелеринин химия, биология, физика жана информатика мугалимдери болду.
Мектеп STEM-билим берүүнү өнүктүрүү долбоорун ишке ашыруу үчүн 1 млн 200 миң сом өлчөмүндө каржылоону алды. Бул суммадан 1 млн сом өнүктүрүү фондунан, ал эми 200 миң сом айыл өкмөтүнүн өз каражаттары болуп саналат.
Долбоордун алкагында билим берүү мекемесинде атайын STEM-классы түзүлүп, химия, биология жана физика боюнча лабораториялык жана практикалык жабдуулар, ошондой эле робототехника үчүн заманбап каражаттар менен жабдылган.
Мектептин администрациясы, эми окуучулар өз алдынча роботторду долбоорлоого жана программалоого мүмкүнчүлүк алышканын, бул аларга алган билимдерине негизделген практикалык тапшырмаларды аткарууга жардам берерин белгиледи.
